أشنو هي الفيتامينات ؟

كيف واعتدكم غادي نتكلمو على الجزيئات اللي بلا بيها ما يمكنش للأنزيم يقوم بدوره بفعالية الا و هي الفيتامينات..

الفيتامينات هي مركبات عضوية اللي الجسم ما عندوش الإستطاعة باش يصيبهم (بعض الفيتامينات بالنسبة للإنسان ماشي فيتامينات بالنسبة لكائنات أخرى حيت هوما قادرين يصنعوها بكمية كافية..مثال فيتامين c) بعض الفيتامينات كيتيم الإنتاج ديالهم بفضل البكتيريات المتواجدة في الأمعاء (فيتامين K و B8 و B12)

الفيتامينات كيتصنفو على حساب الدور ديالهم ماشي على حساب التركيبة ديالهم..من بين الوظائف اللي كتلعبها الفيتامينات. دورها كمضادات للأكسدة "antioxydants" أي كتنقي الجسم من السموم و كتقلل من خطر الإصابة بالسرطان (فيتامين C و فيتامين A)، كمنظم لإستقلاب "métabolisme" المعادن (فيتامين D كنظم تتبيث الكلسيوم)، و البعض الأخر كيلعب دور مساعدات للأنزيمات "coenzymes" بعض الأنزيمات خاصها ضروري من coenzymes باش تكون فعالة.. الفيتامين B8 أو البيوتين ضروري للتفاعلات ديال نقل الكربون (زيادة أو حذف كربون) carboxylation/decarboxylation..بالإضافة لهادشي كيتواجدو أنزيمات أخرى كتحتاج لمعادن في عوض فيتامينات ( المنغنيز، الحديد، الزنك..)

كينقسمو الفيتامينات لجوج فئات:

الأولى ذوابة في الدهون lipophile أو كارهة للماء hydrophope و كتضم فيتامين A D E K لهذا ملي كنقومو بإزالة الدهن للحليب اولا مشتقاته كنضيعو نسبة كبيرة من هاد الفيتامينات..

الفئة الثانية محبة للماء hydrophile تتكون من مجموعة B و فيتامين C (حمض الأسكوربيك)..

الحاجية اليومية لكل فيتامين كتختلف من فيتامين لأخر..النقص في الفيتامينات كيكون السبب في العديد من الأمراض (البيريبيري-->نقص في الفيتامين B1 أو thiamin، الكساح-->نقص في الفيتامين D و scorbut-->نقص في الفيتامين C...)

كختام نحاول نصحح واحد المعلومة شائعة عندنا هي الشمس كتعطينا فيتامين D..اولا الشمس ما يمكنش تعطينا فيتامين كامل على قدو..الجسم كيحصل على الفيتامين D3 من التغدية أو بالفضل ديال أشعة الشمس و بالظبط UVB (الأشعة فوق البنفسجية من الفئة B) كيتحول لينا prè-vitamine D3 ل vitamine D3، اللي بالدور ديالو كيمر من الكبد و الكلية باش يتحول للشكل الفعال ديالو vitamine D..